Lautaro-a'n Golden Foot chawimawina dawng

Argentina leh Inter Milan forward Lautaro Javier Martínez chuan Golden Foot 2024 award a dawng. Golden Foot chawimawina hi kum 2003 aṭanga sem ṭan kha a ni a, dawng tur hian mimal leh team anga chet ṭhat a ngaih bakah kum 28 chin tan chauh a ni a, player khel lai nih a ngai bawk.

Kum 2022 thleng kha chuan online hmangin mipui ngaihdan lak ṭhin a ni a, tunah erawh Antonio Caliendo kaihhruaina hnuaiah a thlangtu committee din a ni. Player 10 thlan chhuah a ni a, tun ṭuma thlanchhuah te hi Martinez bakah Lionel Messi, Marco Verratti, Neymar, Virgil van Dijk, Thomas Muller, Harry Kane, Kevin De Bruyne, Karim Benzema leh Antoine Griezmman te an ni.

Chawimawina hi vawi khat bak a dawn theih loh a, chawimawina dawngtu ke thla chu Monaco-a 'Champions Promenade'-ah dah a ni dawn.

Mohamed Salah, Cristiano Ronaldo, Robert Lewandowski leh Ronaldinho ten chawimawina hi an dawng tawh a, Messi erawhin a ngah rih a ṭul. Player khel lai tan chauh a nih avangin hun tam a nei tawh lo.