Player hliam neih a hlauhawm - Kompany

Bayern Munich manager Vincent Kompany chuan inelna an hmachhawn hoah champion an tum tih a sawi a, tun hnaiah match khelh tur an ngah em avngin player ṭha an hliam mai erawh a hlauhawm niin a sawi.

Kar laihawlah Bayern Munich hian German Cup khelin Mainz an hneh a, zanin dear 8:00 hian Union Berlin an tum zui leh nghal ang - November 6, Nilaini zanah Benfica nen Champions League an khel zui leh dawn bawk.

Bavarians manager Kompany chuan, "Ni ruk chhungin match khelh tur pathum kan nei. Inkhel a pawimawh vek a, chuvangin player hliam neih a hlauhawm takzet, nomawi chawi kan duhin kan tum bawk si, chuvangin player an dam a ngai," a ti.

Mainz an hneh ṭum hian striker ṭha Harry Kane leh Jamal Musiala te chu inlan ve mah se, inkhel tluan loin a thlak. Zaninah chuan Kane leh Musiala te hian minute tam zawk an khelh leh theih tawh a rinawm.