CT Group Cup YMA Football

CT Group Cup Inter Branch YMA Football Tournament, 2015 round of 32 Lammualah khelh chhunzawm a ni dawn.

Vawiin chawhma dar 10:00 hian tun hnaia veng-veng football-a record nei ṭha Ramhlun 'S' leh Durtlang 'N' te an inkhel dawn. Round of 32 kalkawngah Ramhlun 'S' hian Zonuam (2-0) leh Tuithiang (2-1) te an hneh. An khingpui tur Durtlang 'N' hian Mualpheng (P 7-6) leh Luangmual (P 3-2) an hneh ve bawk.

Chhun dar 12:00 a inkhel tur 'N' Vanlaiphai Jt. YMA leh Chawnpui-te hi an inbei tawk hle tur a ngaih a ni. 'N' Vanlaiphai Jt. YMA hian Thingdawl CV chu 4-0 a an hneh hnuah Ramhlun North chu 3-1 in an hneh. Chawnpui hian an match hmasa bera Biate (P 4-1) an hneh hnuah Zarkawt chu 5-0 in an sawp bawk.

Inkhel hnuhung ber tur dar 2:00-ah Armed veng 'S' leh Durtlang-te an innuai bawk ang. Round of 32 thleng turin Armed Veng 'S' hian goal an la chhuah lo a, Saikhamakawn (3-0) leh Zobawk, Lunglei chu 5-0 in an hneh. Durtlang hian Tlangnuam VT (4-2) bakah Bethlehem (1-0) in an hneh a ni.