McLaren-in car rawng an thlak dawn

British Formula one team McLaren chuan kum 1997 hnua a vawikhat nan car rawng thlak an tum. Car silver rawng ni ṭhin chu a dum a ni tawh ang.

Tun kar tawp a tlan tur Spanish Grand Prix-ah chuan car rawng thar nen McLaren an inlan ngei dawn e.

McLaren hian an car rawng hi an thlak ngai zen zen lo a, tuna an thlak tur silver rawng pawh hi kum 18 chhung zet an lo hmang tawh. Kum 1974 aṭang khan a pumpui thu a a rawng an thlak hlawk vawihnihna tur chauh a la ni ang.

McLaren thu­puangtu chuan, "Tuna kan car rawng thlak hi chu nisat hun atan bik chauh ani hran lo a, tlailam intlansiak a awm chang te, zana light hnuaia intlansiak a ngaih chang pawhin kan hmang tho dawn a ni," tiin a sawi.

McLaren Racing director Eric Boullier chuan, "Kan thutluknaah hian kan lungrual hle, vawikhatah hma a sawn nghal duak theih loh a, zawi zawin hmalam kan pan zel ang. Chassis leh power unit pawh a hma aiin a ṭha chho zel ang," tiin a sawi.