I League Under 19 a ṭiak ta

May 6 khan DSK Ground, Pune-ah I League Under 19 chu khelh zawh a ni ta.

Round tawpna khelh hmain AIFF Elite Academy an champion tawh a, chuti chung chuan an match hnuhnung berah United SC U19 2-0 in an hneh.

Zan lam inkhelah Chanmari FC U19-in inelna thlengtu DSK Shivajians U19 chu 2-1 in an hneh a, table-ah palina an ni.

Champion team AIFF Elite Academy hi India tan pawha lo khel tawh Tamil coach Syed Sabir Pasha hnuaia khel an ni a, Mizo pa­thum Malsawmzuala, Lalramzauva leh Daniel Lalhlimpuia te chu champion-na kawnga player pawimawh an ni.