Aizawl FC-in I League khel dawn

8th May, 2015

Facebook lamah chuan...

Mizoram history-ah Aizawl FC hlawhtlinna hian hmun pawimawh a chang kumkhua tawh ang. Aizawl FC-in I League an khelh theih chhan hi club hruaitute, player-te leh coaching staff-te thawhrim rah a ni tih hai rual a ni lo a, mipui hnathawh hmuh hmaih theih a ni lo bawk.
Chutihrualin Mizoramin football rahbi thar a kaina kawngah Mizoram Football Association leh Zonet ten Mizoram Premier League an buatsaih hi India rama football hmanga Mizo hmingṭhatna a ni. Tin, artificial grass leh floodlight te hi awm ta lo se Mizoram tan I League club neih a la hla viau thei bawk. Sorkar leh mipuiin bul an ṭan a, sulhnu sawi tham a awm a, hmabak erawh a la tam hle.
Mizoramin I League club a neih chiah khan Mizote facebook status chu Aizawl FC lawmpuina in a luah hneh hle. Hei le, local football-a langsarte facebook status kan rawn tarchhuak e.
Officially-a la certified chu la nih chiah lo mah se mathematically chuan AFC chuan I-League kan kai ve ta reng mai le!
Kan ṭawngṭaina chhangtu Pathian chunga lawmthu ka sawi rualin ka thawhpui BoGs te, Advisers te, Coaching Staff-te, Players-te, Management Staff te, Sponsors te leh a pawimawh ber Fans leh Mipuite chungah lawmthu kan sawi e.

- Robert Romawia Royte,
President, Aizawl FC

AIFF-in Best Grassroots State-ah min puang tawh a, Sub Junior... Junior... Santosh Trophy & National Games-ah kan champion vek tawh a, tunah Mizoramin I League club a nei ta!!!
Aizawl FC coaching staff, players leh management lam mi zawng zawng ka lawmpui che u, in thawhrima leh tumruhna a thlawn lo e. In itsik hun a ni lo a, Aizawl FC tan pawh club dangte deuna hun a ni lo a, Mizo football fans tan ni lawmawm tak a ni zawk e.
Club dang tan pawh 'chona' a ni a, I League-ah Mizo leh Mizo ni mai lo, Mizo club leh Mizo club an inkhel lo ang tih a sawi theih loh.
Mizorama football league bul tan dawna a hming tura kan buai nak nak laite kha kum thum emaw lek a ni a, tunah kum tin mai hlawhtlinna lian tham a awm ta zel mai... Pathian malsawmna, thawkrimte thawhrimna leh Mizo football fans zawng zawng thawhrah a ni e.
"Age level intihsiak kum dik loa champion mai mai, senior level-a engmah ni phak lo...," tihte kha kan dawng thin a, "Football hi hun khawhralna mai mai, miin I League khelin pawisa tam tak an hlawh, he laia lo tih ve vak vak," tihte kha a ni ṭhin, tunah chuan a dang ta e.
Hman deuhah chuan 'beiseina' pawh a ni phak lo, 'duhthusam' a ni a, MPL kan neih hnu khan 'beiseina' a ni a, tunah chuan 'a tak ram' a ni ve dawn ta.
Mohun Bagan leh East Bengal an lo zin ang a, Goan club liante leh Bengaluru FC-te pawh Aizawlah an inkhel tawh ang. I League khel tur club-in mi 30 rual a khat tawkin an lo luhpui reng tawh ang a, sum tam tak an rawn luhpui ang, Hotel neite tan pawh hlawkna thar a ni dawn!!
India huapa Mizo footballer an chet that tirh lama kan thupui bawk khan a hmawr bawk ang aw, "Mizo kan ni kan hmel a tha"

- Tetea Hmar, MFA Honorary Secy

To God be the Glory.
- Hmingthana Zadeng, Aizawl FC Technical Director

Aizawl FC chu Pathian khawngaihnain 2nd Division League champion kan ni ta. Lalpa kan lawm e.
- Vanlalnghaka Chhawnchhek, Aizawl FC Gen Secy

Mumang pawha kan man ngai loh. I- Leaque team, kan han neih ve ngawt tak chu a.
- K Vanlalruata, MPL Production Crew

Kum 2012-a Mizoram Premier League (MPL) khelh ṭan a nih dawn khan, rilruah a hlawhtling ang em, kan kal rei lo mai anga tiin mahni ka inzawt fo.
Rilruah Santosh Trophy leh National Games (Football) champion chu a awm mah se sawi huai a har viau. I-League phei chu kan suangtuah ngam lo a ni ber. Mahse MPL kan han khel ṭan a, kum thum pawh a ral hmain Santosh Trophy leh National Games (Football)-ah kan champion a, I-League-ah Aizawl FC an inpettling der bawk, a va ropui em!
Hetianga kan hlawhtlin chhan hi MPL vang ka ti lo thei lo. Zonet, MPL Production Crew leh MFA lama ka thawhpuite thawhrim vang liau liau a ni a, sum tam tak senga Aizawl FC enkawltu leh neitu Pu Robert Romawia a fakawm takzet a, Aizawl FC dinthar lehtu Mizo Football Management Group (MFMG) te pawh rilruah an lang uar uar mai!
LALPA kan lawm e, kan lawm takzet a ni. Congrats Aizawl FC!
- Lalthanzama Vanchhawng,
MPL Production Crew