Benni McCarthy an rawk

South Africa striker hlui Benni McCarthy chu Johannesburg-ah rukruin silaiin an tin a, a thil hlu neih te an chhuhsak.

McCarthy agent Percy Adams sawi danin luhmehna dawra awm zingah McCarthy chiah hian beih a tawk a, hliam erawh a tuar lo.

Kum 37-a upa McCarthy hian kum 2004 khan Porto chu Champions League-ah a champion pui a, South Africa history-a goal khung tam ber niin ram tan goal 32 a khung tawh. Spain, Portugal leh England club tan McCarthy hi a khel tawh bawk.

Nikum khan Johan­nesburg bul lawka in rawknaah South Africa goalkeeper leh captain Senzo Meyiwa chu kah hlum a lo ni tawh a, kha thil kha chhui zui zel a ni.