Bale sawiseltu Keane

Manchester United captain rorum ni ṭhin Roy Keane chuan Real Madrid Winger Gareth Bale a sawisel a, a team Real Madrid leh Juventus te Champions League semi final-a an inkhelh ṭum khan engmah tih a nei lo tiin Real Madrid chu player 10 chauha khel ang mai an nih thu a sawi.

Kum 25-a upa Welsh forward hian Champions League semi-final first leg a Juventus laka a team 1-2 a an tlawm khan a khel chhe hle a, inkhelh chhung zawng khan vawi 32 chiah ball tawk fuhin minute 86 naah thlak a ni. Kha match-ah khan Real player zingah ball a khawih tlem ber a, an keeper Iker Casillas ai meuh pawn a khawih tlem zawk.

Mahse Gareth Bale agent Jonathan Barnett erawh a player chhan hian a ṭang na khawp a, "Engvangin nge comment awmze nei lo leh ṭanchhan mumal nei lo kan ngaihpawimawh ang? Management lama hlawhchham te thusawi mai mai hian Gareth Bale a tibuai pha lo," tiin Sunderland leh Ipswich mananger a nih laia a hlawhtlin tawk loh vanga an ban Roy Keane chu a kap zauh.