Goerges a chawl ta

Wimbledon semifinalist hlui Julia Goerges chuan tennis a chawlhsan thu a puang a, kum 31 mi chauh la ni mah se hun rei tak a lo chenchilh tawh infiamna chu a mangṭha ta zawk.

German player hi a tawnsan lai ber chuan world number 9 pawh a lo ni tawh a, a chawlh thu a puan hian number 45-na a ni. Kumin French Open-ah khan inlanin second round-ah a hnampui Laura Siegemund a ngam lo.

Season 15 chhung tennis khel tawh Goerges chuan, "Mangṭha tih thu sawi tur hian ka inpeih tawh, engtik niah emaw chuan ka chawlh hun hi chu a la thleng dawn tih ka hria a, chumi atan chuan rilru pawh ka seng lawk tawh a ni," a ti.

German nula Goerges hian WTA inelna hnuaiah final vawi 10 a lut a, ṭum sarih hnehna a chang. Nomawi a chawina zingah Stuttgart Open, Moscow Open leh WTA Elite Trophy te chu a ngaihhlut zual zinga mi an ni.