Nadal leh Murray chak zel

Madrid Masters Tennis tournament-ah quarter-finals thleng turin Rafael Nadal chuan a klhingpui Italian Simone Bolelli chu a hneh a, Andy Murray pawhin Spa­nish wildcard Marcel Grano­llers chu a hneh ve bawk.

Spanish seeded pa­thumna Nadal hian Bolelli lakah harsatna a tawk lo a, awlsam tein 6-2, 6-2 in a chak a ni. Quarter-finals-ah seeded 10 na Bulgarian Grigor Dimitrov nen an inhmachhawn leh ang. Dimitrov hian Nadal hmachhawn turin Swiss Stanislas Wawrinka chu 7-6 (7-5), 3-6, 6-3 in a lo hneh ve dawk a ni.

Kum 28 a upa Nadal chuan, "Ka khimngpui tur Dimitrov hi player ṭha tak a ni a, a service a ṭhat bakah forehand, backhand leh slice te a ṭhat em avangin ka fimkhur a ṭul hle ang," tiin quarter-finals a a hmachhawn tur chungchang a sawi.

British mipuiten an ngaihsan rawn Murray chuan Marcel Granollers chu 6-2, 6-0 ina hneh. Murray hian last 16 match-ah hian game hnih chauh hlohin a chak awlsam hle a ni.

Last 16 inkhel dangah Tomas Berdych chuan a khingpui Frenchman Jo-Wilfried Tsonga chu 7-5, 6-2 in a hneh a, Berdych hian John Isner a hmachhawn leh ang.