Brazil football legend Pele an zai

Footballer ropui ber anga an sawi ṭhin Pele chu thla ruk chhunga a vawi hnih nan damdawi-in a admit a nih hnuin nimin khan a chi kawng chian loh vangin zai a ni.

Kum 74-a upa Pele hi nikum November thla khan zun kawng ṭha lo vangin damdawi-inah enkawl a lo ni tawh a, nikum tho khan a kala lungte awm chu paihsak a lo ni tawh bawk.

Vawi thum World Champion team a tel pha Pele hi Sao Paulo khawpuia Albert Einstein Hospital-ah enkawl mek a ni a, damdawi-in lam hotu te chuan a dinhmun chu ngaihtuahawm a nih loh thu puangin chhuah a nih hun tur erawh engmah an sawi chiang lo thung.