Mizoram Karate team an che ṭha

New Delhi a, May 1-2 chhunga neih zawh tak Karate Association of India (KAI) National Cadet, Junior & Under 21 Years Karate Cham­pionship 2015-ah All Mizoram Karate Association (AMKA), Mizoram team an che ṭha hle. Gold medal pakhat, silver medal pahnih leh bronze medal pahnih, a vaiin Medal panga an zuk hlawh chhuak a ni.

Mizoram Karate Team hlawhtlinnaah hian gold medalist Hma­ngaihsangpuia chu Indo­nesia-a November 12-15 chhunga neih tur 9th WKF World Cadet, Junior & U21 Karate Championship 2015 khel turin a tling nghal a; September 2015-a New Delhi-a Karate Commonwealth Championship 2015 khel turin gold medalist Hmangaihsangpuia, silver medalist pahnih Lalrinsanga leh P.C. Vanlalruati te chu an tling bawk.

January 2015-a National Senior Ka­rate Championship a medal latu Lalrinzuali, Tuikual North chu Karate Commonwealth Championship 2015 khel tura thlan a ni bawk.