Gerrard nghakhleltu Kaka

Orlando City star Kaka chuan Liverpool captain Steven Gerrard-a'n MLS a zawm tur chu a lawm thu leh a nghahlelh thu a sawi.

Kum 26 zet a lo awm chilh tawh Liverpool chhuahsanin Gerrard hian July hian LA Galaxy a pan tawh dawn a ni. Kaka leh Gerrard te hi kum 2005 Champions League final-ah an lo inhmachhawn tawh nghe nghe.

Brazilian Kaka chuan, "A mimal takin Gerrard hi ka hre ve a, player ṭha ka tih tamtak zingah a tel. A inkhel hi hmuhnawm ka tiiin khelmual chhunga a che vel hi a hmuhnawm ka ti hle. Ani a rawn kal chuan MLS hi a ngaihnawm zual sawt ngei ang. Tuna ka tawnhriat aṭang chuan thurawn han pek vak tur ka la nei bik lo a, mahse ka hriat chinah chuan inelna hi rin aiin a sang hle a ni tih hi a ni. America a superstar anga khelh chu mawhphurhna a len mai bakah a phurawmin a nuam zawk," tiin a sawi.