Hyderabad leh Kolkata an chak
Ningani khan India Premier League-ah match hnih inkhel a awm a, inkhel hmasa zawkah Sunrisers Hyderabad-in Rajasthan Royals chu run sarihin an hneh a, inkhel hnuhnung zawkah Kolkata Knight Riders-in Delhi Daredevils chu run 13-in an hneh bawk.
Hyderabad chakna Morgan
Brabourne Stadium, Mumbai-a inkhelah Hyderabad-in over 20-ah run 201 vawchhuakin mi pali chiah an hloh a, ball 28 a hmachhawna run 63 vawchhuaktu Eoin Morgan-a'na thawhhlawk hle.
Rajasthan lamin theihtawp chhuahin an target an um a, ball 40 a hmachhawna run 68 vawchhuaktu Steven Smith leh ball 11 a hmachhawna run 34 vawchhuaka a tawp thleng dam Chris Morris te'n khel ṭha viau mah se Hyderabad khelh ṭhat an tuar a, an chak zo ta chuang lo a ni.
Yuvraj nil zanah
Delhi tlawm
Eden Gardens, Kolkata-a inkhelah mual neitu Kolkata in over 20-ah run 171 vawchhuakin mi pasarih an hloh.
Delhi lamin an target an um a, an star batsman Yuvraj Singh chu run siam miah lo in a out. Over 20-ah Delhi in run 158 vawchhuakin mi paruk an hloh a, chak lo zawkah an ṭang ta a ni.
Vawiin inkhel tur
Tlai dar 4:00-ah Kolkata Knight Riders leh Kings XI Punjab te an inkhel anga, zan dar 8:00-ah Delhi Daredevils leh Sunrisers Hyderabad te an inkhel thung ang.