September thleng chawl tur Sturridge

Liverpool forward Daniel Sturridge chu a khel bawr na vangin September thla hma chuan a in­khelh theih a beiseiawm tawh loh.

England international Sturridge khel bawr na hi Thawhlehni khan New York-ah an zai a, medical report-a a landan chuan an zai hlawhtling hle. Zai hlawhtling mah se a hliam dam tur hian a reilo berah thlali tal a chawlh a ngai dawn a ni.

Liverpool manager Brendan Rodgers chuan, "Daniel-a inhliam hi kan tan chuan channa nasa tak a ni a, tun season-ah harsatna eng eng emawh a tawh avangin a inkhel tam thei lo. A hliam te a dam hunah chuan kan player pawimawh berte zingah a tel leh ngei ka beisei. November hma pawhin training erawh a zawm thei hlauh maithei," tiin a player duhlai chanchin a sawi.

Tun season-ah Sturridge hian Liverpool tan Premier League match sarih chiah inkhel bul a ṭan a ni.