Vawiinah I League Second Division zo dawn

Aizawl FC-in I League Second Division-ah point 23 an hmu a, umpha thei an awm tawh lo. Vawiin tlai dar 2:30 hian Golaghat Stadium-ah inel­na ṭan hmaa hming langsar zawk Moha­mmedan SC an hmachhawn dawn.

Aizawl FC coach K. Malsawm­kima chuan, "Kan khelh dan tur kan la tichiang lo a, amaherawhchu Mizo hlanga khelh tir chu kan tum dan a ni. Kan ti mai mai dawn tihna erawh a ni lo, chak tumin kan khel ang. Tunah chuan hahdam takin pressure nei loin kan khel thei tawh e," tiin a sawi.

Chanmari FC-in palina din­hmun an hauh chiang tawh a, Lonestar Kashmir nen an inkhel bawk ang. Chanmari FC boss H. Vanlalthlanga chuan a tawp thlenga theihtawp an chhuah tur thu a sawi.