Marquez a ṭha zel - Hondo

Moto GP team ṭha Repsol Honda chuan MotoGP champion Marc Marquez chu a dinhmun a ṭhat zel thu an sawi a, an ruahman leh beisei angin enkawlna pawh a kaltluan thu an sawi bawk.

Moto GP season bul ṭanna Jerez-ah Marquez hi a chesual a, a ban ruh tliak zai niin a vawi khatnaah a fuh mai lo, zai nawn a ngai hial. Hun rei vak lo hnuah lo kir tura beisei ni mah se kumin chhungin a inlan a beisei awm ta lo.

Honda chuan, "Repsol Honda Team chuan Marc Marquez dinhmun a ṭha tih kan sawi a, enkawlna pawh ruahman angin a kal zel," an ti. An rider duhlai hi engtik hunah nge a rawn kir dawn tih erawh an la sawi thei lo thung.

Marquez awm loh lai hian HRC test rider Stefan Bradl chuan a hmunruak a luah, tun season aṭanga an chhawr Alex Marquez nen Honda bike an khalh ṭhin a, season tharah chuan Alex hi LCR lamah a kal thung dawn a ni.