Sabalenka a che fuh phawt

Hmeichhe tennis thiam zual pariat inelna ATP Finals 2024 khelh ṭan a ni a, champion tura rinkai Aryna Sabalenka chuan a bul ṭan nan Zheng Qinwen chu 6-3, 6-4 in a hneh.

Riyadh-a inkhelah Sabalenka hian harsatna lian tham a tawk lo, Saudi Arabia rama inelna a hmachhawn hmasak ni mah se a tir aṭangin a buai lo hle, zanin hian Jasmine Paolini nen an inhmachhawn leh ang.

Australian Open leh US Open champion lai Sabalenka chuan, "Zheng Qinwen hi chu player danglam tak a ni, a ball vuak a nain min nawr chep thei em em bawk a, a laka set hloh loa chak chu thil ṭha tak a ni," tiin a sawi.

Inkhel dangah Wim-bledon leh French Open finalist Jasmine Paolini pawh a chak, a khingpui 2022 All England Club champion Elena Rybakina chu 7-6(5), 6-4 a hnehin bul a ṭan fuh ve bawk.