Euro maktaduai 20 chawi tur Inter

Europe-a football thuneitu sang ber UEFA chuan thuchhuah siaminclub sawmin UEFA Financial Fair Play rule an bawhchhiat avangin pawisa an chawi a ngaih tur thu a sawi.

UEFA thuchhuak in pawisa chawi tura a tih zinga club langsar ber pawl chu Inter Milan niin AS Roma leh Monaco te pawh pawisa chawi tur zingah hian an tel. UEFA Financial Fair Play rule hnuaiah hian club ho chu an sum lakluh aia tam transfer market-ah hman phalsak an ni lo a, dan lo anga sum hmang tam uchuak lutuk te chu pawisa chawi tir ṭhin an ni.

Club hrem zinga pawisa chawi hnem ber tur Inter Milan-in euro maktaduai 20 an chawi a ngaih dawn laiin French club AS Monaco chu euro maktaduai 13 chawi tura tih an ni. Pawisa chawi tura UEFA-in a hrem club te chu Besiktas, Inter, Krasnodar, Lokomotiv Moscow, Monaco, Roma, Spporting Lisbon, CSKA Sofia, Karabukspor leh Rostov te an ni.

UEFA chuan club zirchian zinga tel German club Wolfsburg chu CFCB (Club Financial Control Body) in uluk taka a zirchian hnuin an fihlim thu leh enthlak zinga an tel tawh loh thu an sawi bawk.