EPL Thlirlawkna Arsenal mikhual tur Swansea

Zanin zanlai dar 12:30 hian Arsenal leh Swansea City te chu Emirates Stadium-ah an inkhel dawn. Premier League-ah Chelsea champion tawh mah se pahnihna nih tum Manchster City leh Arsenal an inum mek avangin zanin inkhel tur hi a boruak a reh ruih hran lo ang.

Arsenal hian tunhnai EPL match 10 an khelhah vawikhua hnehna an chang a, Chelsea an draw tih loh chu hnehna an chang fai vek. An khelmual Emirates stadium-ah hian tunhnai Premier League match 34 an khelhah vawikhat chiah chak loh neiin vawikua chu an khingpui te nen an inhnehtawk.

Arsenal chet ṭhat tluan lai a nih avangin Swansea tan Emirates stadium-a lenluh hi thil chakawm tak a ni hran lo ang.

Theih­nghilh loh tur erawh Swansea hian khualmual a an zinchhuah hnuhnung pathumah vawihnih hnehna an chang thei tih hi a ni.