Madrid Open champion Kvitova

Petra Kvitova chuan Svetlana Kuznetsova hnehin Madrid Open champion nomawi a chawi. Final-ah hian Kvitova hi a khel ṭha hle a, a khingpui lakah hian harsatna tawk lo ni mai loin an inkhelh chhung zawngin game thum chiah a hloh a ni.

Tun tournament-ah hian Kvitova hi a khel ṭha hle a, semi final-a Serena William a hneh hnuah final-ah Kuznetsova chu 6-1, 6-2 in a hneh leh bawk.

Russian Kvitova chuan, "He hmuna in­khelh hi nuam ka ti a, a vawihnih nan champion nomawi ka chawi leh thei hi ka lawm hle. Ka hlim takzet zet," tiin a lawm thu a sawi.

Mipa final-ah Andy Murray leh Rafael Nadal te an inhma chhawn a, result erawh kan hre hman lo. Semi final-ah Murray hian a khingpui Kei Nishikori chu 6-3, 6-4 in a hneh a, inkhel dangah Nadal chuan 7-6 (7-3), 6-1 in Tomas Berdych a hneh bawk a ni.