A zawna che fuh lo Bayern Munich

11th May, 2015

German Bundesliga-ah tuma el phak lohin an champion tawh a, mahse tunhnai an match hnuhnung pahnihah Bayern Munich an talbuai hle.

Inrinni zan khan FC Augsburg 1-0 in an hneh lo a, goalkeeper Pepe Reina chu hnawhchhuah a ni.

Champions League semi final first leg a Barcelona an hneh loh hnua an game hmasa berah Bayern hi an insiam ṭha tura ngaih a ni a, goalkeeper Manuel Neuer bak chu player ṭha an chawl lem lo. Mahse, khel khat Reina hi minute 14 na lekah hnawhchhuah a ni.

FC Augsburg tan Raul Bobadilla chuan Pierre Hojbjerg cross ball chu fing tak maiin minute 71-ah lo kheng lut zauhin rinkai loh zawk an chak. Player 10 a khel Bayern-in ball chang tam mah se a pawi mawh ber goal an khung lo tluan.