Murray-a'n Nadal a ngam ta

Clay court-ah chuan 'lalpa' tih hiala an sawi ṭhin Rafael Nadal chu a vawikhatna atan clay-ah Andy Murray-a'n a hneh a, Madrid Open champion nomawi Murray-a'n chawi.

British Murray hian tunhnai vawiruk an inhmachhawnah Nadal hi a hneh ngai lo a, mahse Pathianni zanah erawh a hun a inherchhuak ve ta. Champion lai Nadal hian a vawi nga na atan champion nomawi chawi leh tum mah se Mrrray hian harsa lo takin 6-3, 6-2 in a lo hneh a ni.

Kum 27 a upa Murray hi kar hmasa mai khan Munich-ah a vawikhatna atan clay-ah a champion a, tunah clay-ah bawk a champion leh theih avangin tun thla tawp a khelh tawh tur French Open atan inrintawkna a neih phah hle ang.

Murray chuan, "Tihsual ka nei mang lo kha mak ka ti hial zawk, ka khelh ṭhat ber ṭum a ni hial ang. Nadal kha a chhe ta duai tihna a ni lo a, hma ka sawn ve tawh tih na zawk a ni ang. Tunah chuan clay-ah pawh inrintawkna nen ka inkhel thei tawh a ni," tiin a sawi.