May 28 aṭangin Mizoram Climbing Invitation Tournament
Mizoram Climbing Association chu May 28 aṭangin Sports & Youth Services Dept Climbing Wall, Govt Complex-ah 1st Home Missions School Mizoram Climbing Invitation Tournament a buatsaih dawn.
Inelnaah hian India ram hmun hrang hrang aṭangin climber tawnhriat nei ṭha tak tak, national mai piah lamah International climber-te pawh lokal tura beisei a ni. Inelnaah hian club, college leh School angin a tel theih a, hrechiang duh tan phone no. 9436152748, 9856610403 leh 9862360110-ah zawhfiah theih a ni.
Mizoram Climbing Association hi kum 2010 khan din a ni a, president ni lai chu Mizo zinga Mt Everest lawnchhuak hmasa ber David Zohmangaiha a ni. Northeast Sport Climbing Competition hnuaiah ṭum engemawzah an tel tawh a, climber ṭhahnem tak an tir tawh bawk. National Climbing Competition ah Northeast aiawh turin an member pakhat thlan a ni tawh a, national senior level a Mizoram-in a thlen san ber a ni.
Tunah hian Himalayan Mountaneering Institute-ah an member pahnih judge leh route setter course ti turin an tir mek a, hei hi Indian Mountaneering hnuaia zone hrang hrang aṭanga tel tura thlan an ni. Tun ṭuma inelna an buatsaih hi LPS-ah LIVE-a tihchhuah tur a ni ang.