Serie A aṭangin Cesena an tla
Season khat chauh Serie A-ah hun an hmang hman a,Cesena chuan Pathianni zan khan an khingpui Sassuolo chu 3-2 a an hneh loh avangin team 20 inelna Serie A aṭangin an tla. Season tharah chuan team 22 inelna Serie B lamah hun an hman a ngai dawn ta a ni.
Cesena hian season bul ṭan nan Parma an hneh a, beiseina sang tak nen hun hmang mah se an beisei ang result erawh an hlawhchhuak zo ngai lo. Pathianni zan hian tla hniam ve thei dinhmun a ding Atalanta chuan 3-2 in Palermo an lo hneh ve thung.
Italy Serie A match 35 an khelh aṭangin vawili chiah an khingpui te an hneh a, goal 29 khungin an lamah goal 64 zet a lut thung. League match thum khelh hmabak la awmah point 24 chauh an la hmuh avangin table a 17 na Atalanta chu an umpha thei tawh lo. Casena hma hian Parma chu Serie B lamah an lo tla tawh bawk.
Inrinni zan inkhel dangah Inter Milan chuan Lazio 2-1 a hnehin table-ah pasarihnaah an inhlangkai.
Mual neitu Lazio tan Antonio Candreva chuan a team te hma hruaipui mah se Inter hian Hernanes a goal hnih hmangin an chhang let. He inkhelah hian Lazio player Dos Santos Nascimento leh Federico Marchetti te chu hnawhchhuah an ni.
Inkhel Results
Lazio 1 - 2 Inter Milan
Chievo 2 - 2 Verona
Cesena 2 - 3 Sassuolo
Palermo 2 - 3 Atalanta
Udinese 1 - 4 Sampdoria
Empoli 2 - 3 Fiorentina
Parma 2 - 2 Napoli
#Serie A Table
Pos Team Played GD Points
1 Juventus 35 45 80
2 Roma 35 22 64
3 Lazio 35 31 63
4 Napoli 35 19 60
5 Fiorentina 35 8 55
6 Sampdoria 35 7 54
7 Inter 35 12 52
8 Genoa 34 9 50
9 Torino 34 3 48
10 Milan 35 2 46
11 Palermo 35 -3 43
12 Chievo 35 -8 42
13 Empoli 35 -4 41
14 Udinese 35 -10 41
15 Verona 35 -17 41
16 Sassuolo 35 -12 40
17 Atalanta 35 -14 36
18 Cagliari 35 -21 28
19 Cesena 35 -30 24
20 Parma 35 -39 17