Pele-a'n damdawi-in a chhuahsan

Tha ruk chhungin Pele-a'n dandawi-inah zai vawihnih a tawk hmana, a chi kawng ṭha lo hlawhtling taka zai a nih hnuah Sao Paulo a Albert Einstein Hospital chu Pathianni khan a chhuah san.

Kum 74 a upa Pele hi nikum November khan a kal a lungte awm paih a nih hnu lawkin zun kawng ṭha lo vanga zai a lo ni tawh a, World Cup champion team a vawithum tel thei Pele hi a kum a upat ve deuh tawh avangin a hriselna a tlahniam ve tawh hle a ni.

World Cup-a match 14-a khelha goal 12 khung thei Pele hi khawvel a footballer piang tawh zingah chuan a ṭha ber te zinga ami niin kum 1970 khan FIFA Golden ball dawngin best player-ah thlan a ni a, an ram Brazil tan vawi 91 inlanah goal 77 a khung thei bawk.

Kum 21 a inkhelh chhungin match 1,363 a khel hman a, goal 1,281 zet a khung hman. Ani aia goal khung tam an la awm ngai lo a, an awm leh lawk pawhin a rinawm loh hle.