Sorkarin an hna tur kan ngaihtuah - Tetea Hmar

Mizoram Sports Minister Lalnghinglova Hmar chuan infiammite hmasawnna tur ngaihtuaha rilru an sen thu a sawi a, sorkarah tihfel tur tam tak a awm ṭhin avangin chak taka thil kalpui zung zung theih a ni lo, a ti.

Tetea Hmar chuan, "A tir aṭangin Mizoram Arm Wrestling Association (MAWA) te bakah kan infiammite nen ngei pawh kan inbe pawp reng a, mipui lamin ri nghal hluai turin min beisei mah se, sorkar kalphung anga kal a ngaih avangin thil tih nghal zung zung theih a ni lo.

"Sorkar hnate pawh an tana thawh theih tur kan ngaihtuah a, chutianga awlsam taka thil tih mai theih a ni lo. An hlawhtlinnain a phak ang tawk zela an thawh tur ngaihtuahin zirchian a ni tawh," a ti.