Kanan FC beiseina dal theitu Chawnpui FC

MPL12 Playoff second leg chu vawiin chawhnu dar 2:15 hian Kanan FC leh Chawnpui FC ten an khel dawn. First leg-ah Kanan FC 3-2 in an chak a, chutihrualin Chawnpui FC hi hun rei zawk player 10-in an khel tih hriat a ṭha.

Second leg-ah Chawnpui FC an kim ṭhap tawh dawn a, chutihrualin first leg-a hnawh chhuah player pawimawh Lalramnunmawia a tel thei dawn lo. Kanan FC hi MPL hmasa ber playoff-ah an vanduai tawh a, season 11 an nghah hnuah an hun inher chhuah theih nan coach Chawngthansanga leh a hote an ṭang hle.

MPL11-ah Aizawl FC, Chanmari FC, Mizoram Police, Sihphir Venghlun, Ramhlun Athletic, SYS FC, Chawnpui FC leh FC Bethlehem te an tel. FC Bethlehem hi an relegate avangin an tel thei tawh lo a, an hmunruak hi MPL Qualifier champion Lawngtlai club MLS FC-in an hnawh khat dawn.

Chawnpui FC leh Kanan FC ten hmunruak pakhat an inchuh dawn. MFA thuchhuahah Sihphir Venghlun leh Ramhlun Athletic te kum thum chhung atan hrem an ni a, MPL12 an khel dawn. An hmunruak erawh hnawh khah dan erawh MFA-in an la ngaihtuah ang.