Inter Village Football: Vawiin thleng entry fee a pek theih

GIG MFA Inter Village Football Tournament 2024-a tel tur tan vawiin thleng entry fee a pek theih. Entry fee hi Rs 2000 a ni a, vawiin tlai dar 4:00 thleng, GPay No. 9862560134 bakah MFA Office, City Park Aizawl leh LM Store Bawngkawnah a te pek theih.

Inter Village Football hi November 9, Inrinni zan hian Chanmari YMA Hall-ah Kick Off a ni dawn a, tie draw neih a ni nghal dawn. Ruahman dan chuan inelna hi November 12, Thawhlehniah ṭan a ni ang.

Tun ṭum inelnaah seeded a awm dawn a, seeded hi All Mizoram Inter Village Football 2022-a team-te chet ṭhat dan aṭangin teh a ni dawn. Inelnaah hian Nivia Shining Star ball hman tur a ni a, player endik nan hian Voters ID leh Aadhaar Card te hman tur a ni.