ATP Finals khel tur Taylor Fritz

Mipa tennis thiam zual pariatna ATP Finals 2024 khel tur a hriat belh zel a, American tlangval Taylor Fritz chu a tling tih a chiang ve leh ta - inelna hmachhawn tur hian player panga an tling tawh a ni.

Fritz hma hian Jannik Sinner, Alexander Zverev, Carlos Alcaraz leh Daniil Medvedev te chu midang result ngaihchan tel ngai loa tling chiang tawh an ni a, hmun ruak dang pathum a la awm.

Paris Masters khelh zawh takah khan Novak Djokovic chu inlan lo mah se ATP Finals khel turin a dinhmun a la ṭha viau a, tunah hian paruknaah a ding mek a ni.

ATP Finals hi November 10-17 chhungin Turin, Italy-ah khelh a ni ang.