Jamshedpur an sawp leh ta

Indian Super League-a an match hmasa pangaah Jamshedpur FC-in vawi li hnehna an chang a, vawi khat chiah an tlawm. Mahse, an match hnuhnung pahnihah goal nga ve ve an chhuah - NorthEast United laka 5-0 a an tlawm hnuin, Chennaiyin chu 5-1 in an ngam lo leh ta.

Thawhṭanni zan khan Chennaiyin lakah Khalid Jamil-a naute dawl zawrin an zawr a, South Indian club tan Pratik Chaudhuri (own goal), Irfan Yadwad, Connor Shields, Wilmar Jordan Gil leh Lukas Brambilla ten goal khat ṭheuh an khung - JFC tan Javi Hernandez chuan penalty hmangin a khung ve a, awmzia a nei phak lo.

Chennaiyin tan PC Laldinpuia leh Laldinliana Renthlei ten inkhel bul an ṭan a, bench aṭangin Lalrinliana Hnamte a lut bawk. Nizanah ISL inkhel a awm lo a, zanin dar 7:30 hian FC Goa chuan Punjab FC an mikhual ang.