NBA Playoff :

Lebron James-a'n hun tawp hma hreta score-in Cleveland Cavaliers a chak pui a, nimin zinga inkhelah erawh James ang bawka tawnhriat nei ṭha Washington Wizards forward Paul Pierce-a'n hun tawp hma hretin a hlah. Wizards-in an khingpui Atlanta Hawks 106-101 in an hneh lo. Series-ah team pahnih hi 2-2 in an inhnehtawk mek.

West Conference semifinal pakhat zawkah Golden State Warriors-in Memphis Grizzlies 101 - 84 in an hneh a, series-ah 2-2 in an inhnehtawk bawk. Western Conference semifinal Game 5 hi naktuk zinga khelh leh tur a ni.

Tukin zing dar 4:30 khan Chicago Bulls leh Cleveland Cavaliers te an inkhel a, team pahnih hi 2-2 in an inhnehtawk mek. Vawiin zing dar 7:00-ah Los Angeles Clippers leh Houston Rockets te an inkhel dawn a, Clippers hi 3-1 in hma an hruai tawh.