Schalke-in Boateng leh Sam an hrem

German club FC Schalke chuan an player pahnih Kevin-Prince Boateng leh Sidney Sam te chu Pathiannia Cologne laka 0-2 a an tlawm hnuin an club player an nihna aṭanga an ban thu an sawi.

Chelsea boss hlui Roberto Di Matteo-a enkawl FC Schalke chuan player pahnih te chunga rinna an nghah ngam tawh loh thu sawiin team dang zawm tura zalenna an pek thu an sawi. Cologne an tum ṭum hian Boateng hian minute 59 chhung a khel a, German winger Sam erawh squad-ah pawh telh a ni lo thung.

Player pahnih chawlh tir an nih lai hian mid­fielder Marco Hoger chu kar khat chhung first team training leh inkhel zawm thei lo tura hrem a ni.

Kum 27-a upa Sidney Sam hian season ṭan dawn khan Bayer Leverkusen aṭangin kum li chhung cham turin Schalke a zawm a, Tottenham leh Portsmouth player hlui Boateng hian AC Milan aṭangin kum 2013 khan kum thum chhung cham turin Schalke hi a pan thung.