Mizoram team chak chiang

13th May, 2015

Nimin khan Odisha, Cuttack-ah National Sub Junior Football Championship of Girls khelh ṭan a ni a, Mizoramin an match hmasa berah Tripura 10-0 in an sawp.

Mizoram hi Group H-ah Tripura leh Punjab nen an awm a, Punjab an inlan theih loh avangin Tripura nen hian Nilaini tlai dar 3:00-ah second leg an khel anga, aggregate-a ṭha zawkin Round of 16 an lut ang.

Mizoram tan hian Offee Lalhmingchhuanpuii'n (Ramthar veng, Aizawl) goal li a khung a, Farkawn tleirawl Elizabeth Vanlalmawii'n goal thum a khung a, Salem Veng tleirawl Grace Lalrampari'n goal hnih a khung bawk. Goal khat dang hi own goal a ni.