Spanish football buaina Court-ah

Tunhnaiah Spanish Football Federation chuan Spain sorkar in TV rights chungchanga hma a lakna duh lo in May 16 aṭanga ṭan turin Spain rama football inkhel awm tur zawng zawng a titawp a, Spain rama player intelkhawm pawl AFE chuan an thlawp bawk. Spanish Football Federation hmalakna hi dan in a phal leh phal loh Spanish court chuan vawiin hian an ngaihtuah dawn a ni.

Spanish Football Fe­deration hian an hma­lakna hi an kaltlang pui a nih chuan Copa Del Rey final a Barcelona leh Athletic Bilbao in tum tur thlengin a nghawng dawn a, kaltlangpui a ni ta lo a nih erawh chuan Pathiannia Atletico Madrid an khelh hunah Barcelona in hnehna an chang thei a nih chuan La Liga champion an ni thei tawh thung ang.

Spain sorkar in dan thar a duan danah chuan TV rights aṭanga sum lut hi club zawng zawngin rualkhai zawka an chan theih na tura hmalak a ni a, TV rights aṭanga sum lalut hnem fal Real Madrid leh Barcelona te pawhin an la hnem fal thei tawh dawn lo a ni.