CAM budget atan Rs 30,00,00,000

Cricket Association of Mizoram (CAM) chuan November 5, Thawhlehni khan Annual General Meeting vawi 6-na an nei a, kum 2024-2025 season budget atan cheng vaibelchhe 30 (Rs 30,00,00,000) an pawm.

Woodland Hills, Zonuama hun hmanah hian honarary secratary P. Lalremruata chuan ‘CAM Budget 2024 – 2025’ hi a pharh a, sawi ho a nih hnuah lungrual takin an pawm.

Budget aṭanga a zatve aia tam - vaibelchhe sawmpasarih chuang (vbch 17.5) chu hmasawnna ruhrel (infrastructure subsidy, construction of new pavillion) atana dah niin, a bak – vaibelchhe sawmpahnih leh nuaih nga (vbch 12.5) chu CAM inenkawl leh inrelbawl nana dah a ni thung.

AGM-ah hian season khat chhunga CAM hnuaia standing committee hrang hrang 11 atana Chairman leh Member turte ruatchhuah an ni bawk.

Apex Council Member (Office Bearers + Councillor) mi parukte bakah, CAM hnuaia rorel thei mi 35 (full member – 18 leh sssociate member – 17 aṭangin aiawh pakhat ṭheuh) te tel theih a ni a, chhimtu mi/club pakhat an awm bawk.

CAM hi India rama cricket thuneitu sang ber Board of Control for Cricket in India (BCCI) hnuaia inziaklut leh member an ni a, anni hnen aṭang hian sum leh hamṭhatna an dawng ṭhin a ni.