Juventus leh Lille inhnehtawk

An sulhnu leh tun dinhmuna an player neih dan chhut chuan Juventus an buk a rit zawk, mahse Italian club lian hian Lille lakah an siphurh an sut hram a, an mikhualna ramah 1-1 in an inhnehtawk.

Decathlon Arena-a inkhelah Ligue 1 club hian chawlhlawk hmain Canada striker Jonathan Davia hmangin goal an khung a, hun rei tak chhung chu an hum chhunzawm thei bawk a ni.

Mahse, second half minute 60-naah Benjamin Andre chuan Francisco Conceicao ti tluin penalty a chawi a, a pet tura rawn ding chhuak Dusan Vlahovic chuan khungin goal dang a lut zui tawh lo.

Juve manager Thiago Motta chuan, "Theih ni se la chuan hnehna changtu nih ngei kan duh, mahse tun ṭum atan chuan point khatah hian kan lungawi rih a ngai phawt dawn a ni.

"Ka naute khan an khel ṭha em em a, amaherawhchu goal kan khung thei tlat lo. Match ṭhenkhatah chuan a hmawr bawk theih loh tlat ṭum hi a awm ve bawk, chutiang hun chu kan tawng.

"Chak zo lo mah ila last 16 kan beiseina a la chuai lo a, kan khelh hmabak hoah tun aia ṭha lehzual zawka chet kan tum ang," tiin a sawi a, a thiam zual 16 zingah chuan tel theih ngei a la inbeisei tlat a ni.