Blasters khelmualah Hyderabad

Indian Super League-ah zanin dar 7:30 hian Kerala Blasters chuan Hyderabad an mikhual dawn a, team pahnih hi tun season-a beisei phak lo ve ve an ni. Champion beisei ngam Blasters hian match sarih an khelh aṭangin point riat chiah an nei a, Hyderabad hian match rukah point li chiah an la nei thung.

Hyderabad hi Mizoram player tamna niin, goalkeeper Lalbiakhlua Jongte, defender Laldanmawia, midfielder Ramhlunchhunga, Isaac Vanmalsawma, Lalchhan-hima Sailo leh forward Aron Vanlalrinchhana te an kawl a, Blasters hian midfielder pahnih Freddy Lallawmawma leh R. Lalthanmawia an kawl bawk.