Rafael Nadal a tlahniam zel

Thawhṭanni khan ATP Men World ranking thar ber tihchhuah a ni a, Rafael Nadal chu palina aṭangin pasarihnaah a tlahniam. Madrid Open champion Andy Murray chuan a dinhmun ngai pathumna a la luah pha thung. Tun hnai kum 10 chhunga ranking-a a hniam ber ṭum Nadal hian a tawng mek. Kum 2005 a French Open a champion hnu aṭang khan ranking-ah pasarihna aia hniam a ni ngai lo a, tun ṭum hi a tlak hiam ber ṭum ala ni.

ATP ranking-ah hian mipa pakhatna nilai Novak Djokovick chu tuma tluk phak rual loh in point 13845 hmuin pakhatna a ni chhunzawm zel a, pahnihnaah point 8645 hmu tu Roger Federer a awm bawk. Djokovic leh Federer inthlauhna hi point 5200 lai a ni mek. An inthlauhna hi Nadal a point hmuh aiin a tam zawk.

Nadal hian hliam leh harsatna eng eng emaw vangin inkhel a hmachhawn tam theih loh bakah a khelh chhunah pawh a chak lo fo. Kuminah a khelh thiam em em na clay-ah ngei pawh vawi li lai a chak lo tawh a ni. Kum 2006 aṭang khan clay-ah vawi 16 chak loh a nei tawh a, tunhma a khelh dan ngaihtuah chuan kumina vawi li chak loh hi a tam hle.

Tunkar aṭanga an khelh ṭan leh nghal tur Rome Open thlirin Nadal chuan, "Tunkarah hian hlimna ka tawn ngei ka beisei, tunah chuan Rome lam ka thlir tawh a, he hmunah hian chak ngei ka duh. Hnungtawlh nih hi a hrehawm em em a, chuvangin hmasawn zawnga kal a ngai tawh," tiin a sawi.

Pos Player Points

1. Novak Djokovic 13845

2. Roger Federer 8645

3. Andy Murray 7130

4. Milos Raonic 5160

5. Tomas Berdych 5140

6. Kei Nishikori 5040

7. Rafael Nadal 4990

8. David Ferrer 4310

9. Stan Wawrinka 3575

10. Marin Cilic 336