Hyderabad-in Punjab an hneh hram

Thawhṭanni khan India Premier League-ah inkhel pakhat a awm a, Sunrisers Hyderabad-in Kings XI Punjab chu run nga in an hneh hram.

Rajiv Gandhi International Stadium, Hyderabad-a inkhelah hian bat hmasa zawkah mualneitu Hyderabad an ṭang a, over 20-ah run 185 vawchhuakin mi panga an hloh. Hyderabad tan captain David Warner-a che ropui a, ball 52 a hma­chhawnah run 81 lai a vawchhuak thei.

Punjab-in theihtawp chhuahin an target an um a, David Miller a khel ṭha fal hle. South African batsman hian ball 44-ah run 89 a vawchhuak a, a tawp thleng dam mah se batsman dang te'n an thlawp ṭhat tawk loh avangin chak lo zawkah an ṭang ta a ni.

Hyderabad tan tunhnaia che ṭha tak Moises Henriques a chet ṭhat chhunzawm zel a, run a siam tam loh ṭum pawn balling lamah a thawh hlawk hle. Australian batsman hian over li a vawmah run 16 chiah pe in wicket thum a la a ni.

Vawiin inkhel tur

Zanin dar 8:00 hian Punjab Cricket Association Stadium, Mohali-ah Kings XI Punjab leh Royal Challengers Bangalore te an inkhel leh ang.