Bayern-ah Guardiola a cham dawn

Bayern Munich boss Pep Guardiola chuan tunhnaiah Manchester City nen sawi­zawm ni mah se season tharah Bayern Munich-a ala cham tur thu a sawi.

Kum 44-a upa Barcelona manager hlui chuan, "Vawi tam tak ka sawi tawh, season tharah he hmunah hian ka la awm ang. Ka contract neih lai mekah kum khat ka la nei a, ka contract hi hman zawh ka duh a ni," tiin season thara Allianz Arena-ah cham a la tum thu a sawi.

Manchester City manager Manuel Pellegrini chu tun season-a Premier League title a team te a humpui zawh loh avangin an ban dawn nia sawi a ni a, amah thlak turin lehkha a ziah fel la awm chiah lo mah se Pep Guardiola chu biak fel a nih tawh thu an sawi bawk. Mahse, Pep chuan he thuthang hi thu awmze nei lo mai mai a nih thu a sawi a ni.

Pep Guardiola hi khawvela manager ṭha ber pawl niin La Liga-ah Barcelona ṭum thum champion puiin Champions League vawi hnih a chawipui a, Bayern Munich hi Bundesliga title vawi hnih a lakpui leh tawh bawk.