Inkhelh laiin Bayern fan thi

Bayern Munich chuan Allianz Arena-a Benfica an mikhualna, Champions League inkhelah fan pakhatin a nunna a chan thu an sawi a, inkhelh laiin fan pakhat hi enkawl ngaiin a buai a, dawmdawi in panpui a nih laiin kawngah a thi.

German club chuan thuchhuah siamin, "Inkhelh zawh aṭanga darkar khat hnu velah khan kan fan pakhat chu damdawi in an panpui laiin a thi tih kan hria a, FC Bayern chuan kan fan chhungte a tawrhpui takzet a ni," an ti.

Bayern Munich boss Vincent Kompany chuan, "Tun dinhmunah chuan football sawi a harsa a, inkhelh zawhah khan ṭum danga kan lawm ang pawhin kan lawm thei lo. Player-te pawhin inkhelh zawhah an hre chauh a, kan fan-te hi hlim takin inkhelh zawhah haw se kan duh ṭhin. Vanduaithlak takin zaninah chuan kan duh angin thil a thleng ta lo a ni," tiin a sawi.