Goa-in Punjab hneh

Tun season-a a vawi hnih nan Indian Super League-ah Punjab FC an tlawm ve leh ta - Nilaini zan khan FC Goa chu 2-1 in an ngam lo. Mikhual team PFC tan Asmir Suljic chuan goal hmahruai khung mah se, Goan club hian Armando Sadiku leh Iker Guarrotxena hmanga chhangletin, 2-1 in hnehna an chang daih a ni.

Season bul ṭan ṭha lo Goa tan tun season ISL-a match hnih a zawna an chak vawi khatna a ni a, season hmang ṭha tak Punjab laka an result avangin an inringtawk sawt ang - Goan club tan hian Ayush Chhetri chuan inkhel bul a ṭan.