Mizoramin quarter final lut

Nimin khan Odisha, Cuttack-ah National Sub Junior Football Championship of Girls chu khelh chhunzawm a ni a, Mizoramin Tripura 5-0 in an sawp.

Inkhel hmasa nen belhkhawmin Mizoram hian 15-0 a hnehna chang­in quarter final an lut. Mizoram hi Group H-ah Tripura leh Punjab nen an awm a, Punjab an inlan theih loh avangin Tripura nen hian vawi hnih an inkhelh phah a ni.

Nimin inkhelah hian Mizoram tan Thang­nunsiami, Selam; Eliza­beth Vanlalsawmi, Farkawn leh Grace Lal­ram­pari Salem Veng te chuan goal khat ṭheuh an thun bakah Gladys Zonunsangi Armed Veng South chuan goal hnih a khung.

Quarter final hi league a khelh tur a ni dawn a, a sang pahniin semi final an lut ang. Mizoram hi Bihar, Odisha leh Jhar­khand te nen group khatah an awm. Mizoram hian Inrinni khian tunlaia India hmeichhe football thiam ber te zinga mi Odisha an hmachhawn ang.