Old Trafford-ah buaina chhuak

Thawhlehni zan khan Pre­mier League U21-ah Manchester Derby khelh a ni a, Greater Mnachester Police tarlan danin buaina chhuak vangin puitling pakhat leh naupang pahnih man a ni.

Inkhel en man a awm loh avangin mipui 16,708 zet an pungkhawm a, police-te'n buai­na chhuah dan hi CCTV hmangin an chhui chiang ang.

Manchester United 21-in James Wilson, Adnan Januzaj, Ashley Fletcher leh Matthew Willcock te goal hmangin an hmelma City hi 4-0 in an hneh. Thawhṭanni zana an elpui Liverpool U21 leh Chelsea U21 ten point an hloh avangin United U21 hi champion turin an dinhmun a ṭha hle.

United U21 hian match khat khelh hmabakah point 40 an hmu tawh a, palinaa awm Chelsea U21 chiahin an umpha thei tawh. Chelsea U21-in point 34 an hmu tawh a, United U21 ai hian an goal difference a chhe zawk bawk.

Warren Joyce team tan goal khat khung a, goal khat dang siamtu Januzaj chu hun tawp hma minute 15 a la awm tihin inhliam vanga lakchhuah a ni. Old Trafford-a Arsenal hma­chhawn turin Belgian winger hi a dinhmun a chiang lo a, Feb­ruary 11-a Burnley an hma­chhawn hnuin Januzaj hian starting eleven a la chang leh lo.