Ibe contract tikhawtlai

Liverpool rawlthar duh­awm Jordon Ibe chu thla liamtaa contract pawtsei tura ngaih ni mah se tun thlengin contract a la ziak lo. English forward contract chungchang hi Manchester City lam pawhin an ngaihven hle.

Kum 19-a upa Ibe hian kum 2013 khan Liverpool tan a khel ṭan a, February thlaa Everton nena an inkhelh ṭumin a vawi khatna atan starting eleven a chang a, a che ṭha hle.

Hemi hnu hian Brendan Rodgers-a hnuaiah vawi ruk starting eleven a chang a, club star ni thei tura beisei a ni.

Ibe hi kum li liamta khan Wycombe Wanderers aṭangin Liverpool-in an la lut a, tun season chawhma lam khan Championship club Derby-ah loan-in a khel a, match 20-ah goal nga a khung.