Swiatek zinkawng a tawp

Iga Swiatek chuan ATP Final nomawi a kawl lai a thlauh ta. Polish star hian a group match hnuhnung berah hnehna chang mah se semifinal luh nan a tawk zo lo a, group stage paltlang zo loin a tla.

Ningani zan inkhelah Swiatek hian Russian mi Daria Kasatkina chu 6-1, 6-0 in a hneh a, a chak chiang viau. Mahse, inkhel dangah Barbora Krejcikova chuan Coco Gauff chu 7-5, 6-4 in a lo hneh ve thung.

Swaitek hian a match hmasa lamah Gauff a ngam lo a, hetih lai hian match hnuhnung ber an khelh chuan Gauff hi chuan semifinal a lut fel tawh, chak lo mah se a tlang ta tho a, ani bakah hian Krejcikova chu a thiam pali zingah a tel theih phah a ni.

Straight set hmanga a chak avangin Orange Group-ah Krejcikova hian hma a hruai ta daih a, final lut tur chuan Chinese nula Zheng Qinwen a hneh leh a ngai a, semifinal lehlamah Gauff chuan Aryna Sabalenka a tum thung ang.