Hmanhmawh vut vut theih a ni lo - Conte

Serie A hmahruaitu Napoli manager Antonio Conte chuan hmalam panin an kal zel tih a sawi a, chumi karah chuan chak taka kal vut vut thei an ni rih lo tih a sawi bawk.

Naples club hian Pathianni zan dar 1:15 hian Inter Milan an lenchilh dawn, champion lai Inter nen an inthlauhna chu point khat chauh a ni a, an inkhel result hian table hmahruaitu a tidanglam thei ang.

Conte chuan, "A hma lama ka sawi tawh ang khan tunah hian hmasawn tuma ke chheh siam rem mek kan ni. Napoli ka enkawl aṭangin thla thum chauh a la liam, hun kan la hmang ho tam tawk lo.

"A tir lam kha nipui bazar a ni a, chumi hnuah player 10 vel bawk an chevel bawk. A chhuak leh lo lut thar an awm a, chutiang kan nih avang chuan team nghet nei tur chuan hun kan mamawh ve bawk.

"Inter Milan erawh team nghet leh indinṭha tawhsa an ni a, season hmasa pawhin fal takin an champion thei. Keini nena khaikhin chi chu kan la ni rih lo," tiin a sawi a, an khingpui tur Inter chu a chhaih zauh.

Napoli hian an league match hnuhnung berah Atalanta chu 3-0 ngawtin an ngam lo, kar laihawlah match nei loin Inter Milan hmachhawn turin an inbuatsaih thei a, match hautak khel turin hun an nei ṭha tawk.

Inter Milan erawh Arsenal nen Champions League khel an ni a, an hah hret dawn. Amaherawhchu, coach ṭha Simone Inzaghi naute hian Gunners hnehin inrintawkna an neih belh, inrintawkna sang tak nen mikhual an lo thleng thei ang.

Zanin inkhel tur

Venezia 07:30 Parma

Cagliari 10:30 PM AC Milan

Juventus 01:15 AM Torino

November 10, Pathianni

Atalanta 05:00 PM Udinese

Fiorentina 07:30 PM Verona

Roma 07:30 PM Bologna

Monza 10:30 PM Lazio

Inter Milan 01:15 AM Napoli

Team Dinhmun

# Team Pld W D L GF GA GD Pts

1 Napoli 11 8 1 2 18 8 10 25

2 Inter Milan 11 7 3 1 25 13 12 24

3 Atalanta 11 7 1 3 29 14 15 22

4 Fiorentina 11 6 4 1 22 9 13 22

5 Lazio 11 7 1 3 24 14 10 22

6 Juventus 11 5 6 0 19 7 12 21

7 AC Milan 10 5 2 3 17 11 6 17

8 Udinese 11 5 1 5 14 16 -2 16

9 Bologna 10 3 6 1 12 11 1 15

10 Torino 11 4 2 5 15 16 -1 14

11 Empoli 11 3 5 3 8 9 -1 14

12 Roma 11 3 4 4 12 14 -2 13

13 Verona 11 4 0 7 16 24 -8 12

14 Como 12 2 4 6 13 23 -10 10

15 Genoa 12 2 4 6 9 22 -13 10

16 Parma 11 1 6 4 14 17 -3 9

17 Cagliari 11 2 3 6 9 19 -10 9

18 Monza 11 1 5 5 10 14 -4 8

19 Venezia 11 2 2 7 10 19 -9 8

20 Lecce 11 2 2 7 4 20 -16 8