United an chak ve ta

Europa League-ah a vawi khat nan Manchester United an chak ve ta - an mikhual PAOK chu Ningani zan khan 2-0 in an hneh a, Amad Diallo chuan goal hnih a khung. Mikhualte nuam tawlna emaw tih mai tura awm hman Old Trafford-ah United fan-te hlimin an zai ve leh ta.

Minute 50-naah Diallo hian goal hmahruai a tauh lut a, hun tawp nan minute 13 chauh a awm tawh tihah mawi takin a belhchhah leh bawk - United khel ṭha lo mah se Diallo goal hnih hmangin an mualpho tur khuhin a awm.

PAOK hian goal khung theihna chance an nei a, an chance neih an chhawr lo - Tarik Tissoudali chuan Red Devils keeper Andre Onana chiah a hmachhawn chungin goal a khung thei lo a, Onana hian Mady Camara khung ngei tur nia lang chu a dansak bawk.

Nilaini zana Greek champion an mikhual hma hian United hian Europa League-ah match thum an khel a, tlawm nei lo mah se an khingpui hi an draw vek - FC Twente (1-1), FC Porto (3-3) leh Fenerbahce (1-1) lakah an chak zo lo.

Mahse, coach Erik ten Hag an ban a, Ajax boss hlui an ban hnuah tlawm an nei ta lo. Manager lailawk Ruud van Nistelrooy kaihhruaina hnuaiah United hian match thum khel tawhin tlawm an la nei lo - match hnih an chak a, vawi khat an khingpui an inhnehtawkpui.

United hian coach thar Ruben Amorim an nei tawh a, mahse, November 11 hma chu Old Trafford a pan dawn rih lo. Dutch coach Nistelrooy hoin United an la khel rih zel a, Pathianni zan dar 7:30-ah league match khel turin Leicester City an mikhual zui ang - hei hi Nistelrooy-a kaihhruaina hnuaia an match hnuhnung ber tur a ni.

Nistelrooy hian a hma hun a chian loh thu a sawi tawh a, coach thar Amorim-a'n a thachhang dawltu tura a duh a nih loh chuan United legend hi chhuak thei dinhmunah a ding - eng pawh thleng thei a ni a, hei hi ngaithuah ran chungin Dutch coach hian a hun neih tlemtêah tlawm nei loa United dah a duh ang.

November 6, Nilaini Zan

Besiktas 2 - 1 Malmö

November 7, Ningani Zan

Bodø / Glimt 1 - 2 Qarabag

Eintracht Frankfurt 1 - 0 Slavia Prague

Elfsborg 1 - 1 Sporting Braga

FCSB 2 - 0 Midtjylland

Galatasaray 3 - 2 Tottenham Hotspur

Ludogorets 1 - 2 Athletic Bilbao

Nice 2 - 2 Twente

Olympiakos 1 - 1 Rangers

Union Saint-Gilloise 1 - 1 Roma

Ajax 5 - 0 Maccabi Tel Aviv

AZ 3 - 1 Fenerbahce

Dinamo Kiev 0 - 4 Ferencváros

Lazio 2 - 1 Porto

Manchester United 2 - 0 PAOK

Rigas FS 1 - 1 Anderlecht

Hoffenheim 2 - 2 Lyon

Viktoria Plzen 2 - 1 Real Sociedad

Team Dinhmun

# Team Pld W D L GF GA GD Pts

1 Lazio 4 4 0 0 11 2 9 12

2 Ajax 4 3 1 0 13 1 12 10

3 Galatasaray 4 3 1 0 12 8 4 10

4 Eintracht Frankfurt 4 3 1 0 8 4 4 10

5 Anderlecht 4 3 1 0 7 3 4 10

6 Athletic Bilbao 4 3 1 0 6 2 4 10

7 Tottenham Hotspur 4 3 0 1 8 4 4 9

8 FCSB 4 3 0 1 7 5 2 9

9 Lyon 4 2 1 1 8 4 4 7

10 Rangers 4 2 1 1 8 5 3 7

11 Olympiacos 4 2 1 1 5 3 2 7

12 Bodø/Glimt 4 2 1 1 6 5 1 7

13 Midtjylland 4 2 1 1 4 3 1 7

14 Ferencváros 4 2 0 2 7 4 3 6

15 Manchester United 4 1 3 0 7 5 2 6

16 Viktoria Plzeň 4 1 3 0 7 6 1 6

17 AZ 4 2 0 2 6 6 0 6

18 Beşiktaş 4 2 0 2 4 8 −4 6

19 TSG Hoffenheim 4 1 2 1 5 5 0 5

20 Roma 4 1 2 1 3 3 0 5

21 Fenerbahçe 4 1 2 1 5 6 −1 5

22 Porto 4 1 1 2 8 8 0 4

23 Slavia Prague 4 1 1 2 3 3 0 4

24 IF Elfsborg 4 1 1 2 7 8 −1 4

25 Real Sociedad 4 1 1 2 5 6 −1 4

26 Braga 4 1 1 2 4 7 −3 4

27 Twente 4 0 3 1 4 6 −2 3

28 Malmö FF 4 1 0 3 3 6 −3 3

29 Qarabağ 4 1 0 3 3 9 −6 3

30 Union Saint-Gilloise 4 0 2 2 2 4 −2 2

31 RFS 4 0 2 2 4 8 −4 2

31 Nice 4 0 2 2 4 8 −4 2

33 PAOK 4 0 1 3 3 8 −5 1

34 Ludogorets Razgrad 4 0 1 3 1 6 −5 1

35 Maccabi Tel Aviv 4 0 0 4 2 11 −9 0

36 Dynamo Kyiv 4 0 0 4 0 10 −10 0