Tottenham-in Galatasaray ngam lo

Aston Villa an sawp hnua an match hmasa berah Tottenham Hotspur an tlawm lehnghal a, Europa League-ah Galatasaray lenchilhin, 3-2 in an tlawm - London club tan tun season Europa League-a an tlawm hmasak ber a ni.

Turkish club hian Yunus Akgun hmangin minute rukna lekah goal hmahruai an khung a, Spurs tan kum 19 mi William Lankshear chuan club tana a bul ṭan vawi hnihnaah si phurh hi a sut - Tottenham tana a goal khung hmasak ber a ni nghal.

Mahse, Galatasaray an tawlh duh lo. Nipui transfer-a rin loh taka an lakluh Victor Osimhen chuan goal hnih a rawn khung ve leh a, chawlhlawk hman hmain 3-1 in hma an hruai.

Minute 60-naah Spurs tana goal khungtu Lankshear chuan a yellow card pahnihna a hmuh avangin hnawhchhuah zui a ni a, minute 69-naah substitute Dominic Solanke chuan si phurh sut ṭhen mah se, a tlem zawka khel an nih tawh avangin a team a beng harh zo tawh lo.

Spurs hian zanin dar 7:30-ah league match khel turin Ipswich Town an mikhual dawn. London club hi Premier League lamah an turu rih lo hle. Match 10 khelh tawhah vawi nga chiah la chakin, vawi khat an draw a, vawi li an tlawm - table-ah pasarihna an ni mek.